Heiðursmaður og heiðurslaun

Mér finnst afskaplega illa vegið að félaga mínum í Borgarahreyfingunni. Tilgangur með stofnun Borgarahreyfingarinnar var ekki sá að menn fengju ekki þau verðlaun sem þeir hafa unnið fyrir. Hér er verið að blanda tveimur ólíkum hlutum sem eru heiðurslaun og launum fyrir vinnu sem alþingismaður fær. Heiðurslaun eru af allt öðrum toga en hefðbundin laun.

 Í tillögum til þingsályktunar á 131 löggjafarþingi 2004-2005 þingskjal 145 kom eftirfarandi fram um heiðurslaun: ,,Við tillögugerðina skal miða við að listamaðurinn hafi varið starfsævi sinni eða verulegum hluta hennar til liststarfa, að hann hafi skarað fram úr við listsköpun sína eða störf hans að listum skilað miklum árangri á Íslandi eða á alþjóðavettvangi, og að listamaðurinn sé kominn á eftirlaunaaldur eða nálgist starfslok."

Ljóst er að Þráinn hefur á undanförnum árum og áratugum skarað fram úr í listsköpun sinni og list hans hefur skilað miklu til allra íslendinga sem hafa notið bóka hans og kvikmynda. Við þurfum listamenn eins og Þráinn sem eru hreinskilnir, hugrakkir og skapandi.  Látum hann því í friði með sín listamannslaun og styðjum hann frekar til dáða á hinum nýja orrustuvelli Alþingis.

Þráinn taki ákvörðun um heiðurslaunin

Athugasemdir

[Hulda (IP-tala skráð) 28.4.2009 kl. 23:49]

Mikið er ég sammála þér. Þetta eru verðlaun og hálf hallærislegt ef hann á að skila þeim.

Ef þetta er það sem þessir góðu menn og konur ætla að eyða tímanum í þá þori ég varla að bíða eftir framhaldinu.

[ÞJÓÐARSÁLIN, 28.4.2009 kl. 23:55]

Það stendur þarna: og að listamaðurinn sé kominn á eftirlaunaaldur. Ertu að segja mér að hann sé líka með eftirlaun?

[Ólafur I Hrólfsson (IP-tala skráð) 29.4.2009 kl. 04:36]

Hárrétt hjá ykkur - enda er maðurinn í Borgarahreyfingunni en ekki í Samspillingarflokknum eða FLokknum þannig að hér er um allt annað viðhorf að ræða. - Og hvað með það þótt eftirlaunin bætist við? Maðurinn er í Borgarahreyfingunni. Listamannalaun - þingfararkaup - eftirlaun - +?

Maðurinn sagðist myndu troða e.t.v. ofan í vélindað á Geir Haarde. Svona mannvinir eiga að vera á margföldum launum - það segir sig sjálft.

Ólafur I Hrólfsson

[Jóhann Gunnar (IP-tala skráð) 29.4.2009 kl. 09:50]

Við skulum nú ekki missa okkur. Þessi heiðursverðlaun eru 150k á mánuði fyrir skatt. Hvað gerir það 70-80 eftir skatt? Fer í mig að fólk tali um tvöföld laun!

Ólafur kaldhæðni skilar engu í þessu alvarlega máli. Verið að vega að heiðarleika mjög heiðarlegs manns. Hann var ekki að ljúga að fólki fyrir kosningar heldur sagði hreint og beint að hann ætlaði að halda sínum verðlaunum eins og eðlilegt er. Langaði jafn framt að benda á það sem ég heyrði að konan hans eigi rétt á öryrkjabótum en neiti að taka við þeim. Ég held að það sé allt sem segja þarf um þau hjón. Þau lifa eftir ákveðnum gildum og halda fast við þau.

Margir mættu taka þau til fyrirmyndar.

Kv. Jóhann